தனிமை

ஆர்ப்பரிக்கும்  எண்ண  அலைகள்
        எனக்குள்      மோதும்    போதும்  
ஆனந்த   அருவி   வெள்ளமாய்  
        எனக்குள்  வழியும்    போதும் 

தனிமை  நதி தவிப்பாய்   

       என்னை   தழுவும்   போதும் 

என்னை  பகிர்ந்து   கொள்ள   

        என்  கனவுகளில்   சிறகடித்து  

உடன்  பறக்க,  என்  லட்சிய  

         நிஜங்களின்    தோள் சேர்த்து  

திசை  தேட   யாரும்   இல்லை       

          ஜன   சமுத்திரத்தில்    தனியொரு   

தீவாய்  நான்  நிற்கும்   போது

           நெஞ்சு   குழிக்குள்   நெருப்பாய்

 ஒரு    நெருடல் ...........................

உனக்குள் நான்

ஒரு பிறவியேனும் வேண்டும்

உன் கருவறையில்
தெய்வமாக வேண்டாம்

கோபுரத்தில் பொம்மையாக
வேனும் வாழ .......

உள்ளம் கவர் கள்வன்

யார் அந்த கள்வன் என்
உள்ளம் கவர் கள்வன்

தினம் தினம் வருகிறான்
        தோள் மீது சாய்த்து என்
துயர் தீர்க்க பார்க்கிறான்


உச்சியிலே இதழ் பதித்து
           உறவாக எனை சேர்த்து
உயிர் சக்தி ஊட்டினான் அவன் ....


இதம் தரும் பார்வையிலும்
              இதழோர நகைப்பிலும் என்
என் சோகம் நீக்கி சொர்க்கம் தந்தான்


அவன் மார்பில் முகம் பதித்து
             என் மனம் உருகி விழி நீர் கசிய
விருட்டென்று எழுந்தேன் - ஐயோ


யார் அந்த கள்வன் - காணத்
        தவிக்கிறேன் என் முகமறியா
                                                        நாயகனை


வாழ்க்கை கானலானாலும் கனவுகளை
             கவிதையாக்கிய - எங்கே அவன் என்
                             என் உள்ளம் கவர் கள்வன் ..

எனக்கென நீ

உன் இதயத் துடிப்பை என்
தாலாட்டாக கேட்டு தூங்கவும்


விழித்திருக்கும் நேரமெல்லாம் உன்
விழி வட்டத்தில் வாழவும்


மரணத்தின் மடியிலும் உன்
உதட்டணைப்பில் உயிரடங்கவும்


வரம் வேண்டும் ........

பிடித்த உணவு உடை கொள்கை
பிடிவாதமாக பின்பற்று உனக்குள்
இருப்பவள் சக்தி அவளை கொண்டாடு
போற்று அலங்கரி சக்தியை
காத்தலே தற்காத்தல் ...........................